Xiaomi MX11 SUV çıxdı. Xiaomi-nin oktyabr ayında yeni elektrikli SUV modelini təqdim edəcəyi deyilir.
Xiaomi avtomobil dünyasında sürəti artırmağa hazırlaşır. SU7 adlı elektrikli avtomobili ilə bütün dünyada böyük təsir bağışlayan şirkətin indi orta səviyyəli SUV üzərində çalışdığı iddia edilir. Xiaomi MX11 SUV modelinin yaxın aylarda təqdim ediləcəyi bildirilir.
Çin mediasındakı xəbərlərə görə, Xiaomi oktyabrın sonunda ikinci elektrikli SUV modelini təqdim edəcəyi böyük bir təqdimat tədbiri keçirəcək. Tədbirdə yeni smartfonlar, planşetlər və geyilə bilən cihazlarla yanaşı, avtomobillə bağlı məlumatların da veriləcəyi gözlənilir.
Texnologiya nəhənginin uzun müddətdir ki, MX11 kod adlı yeni elektrik yolsuzluq avtomobili üzərində işlədiyi məlum olub. Avtomobilin özü 2025-ci ilə qədər satışa çıxarılmasa da, ilk dəfə tədbirdə rəsmi olaraq nümayiş etdiriləcək.
Xatırladaq ki, MX11 yolsuzluq avtomobili ilə bağlı təfərrüatlar hazırda qeyri-müəyyəndir. Bununla belə, sızan fotoşəkillər onun Ferrari Purosangue kimi lüks avtomobillərdən təsirlənəcəyini və idman dizaynına sahib olacağını ortaya qoydu.
Xiaomi şirkətinin baş direktoru Lei Jun-un sözlərinə görə, SU7-yə bənzər MX11 istifadəçilər üçün münasib qiymətə təqdim olunacaq. Qeyd edək ki, SU7-nin qiyməti 30 min dollardan başlayır. MX11-in 25-30 min dollar civarında olacağını gözləyə bilərik.
MX11-in 800V elektrik mühərriki ilə təchiz edilməsi və LIDAR sensorları ilə qabaqcıl avtonom texnologiyanı dəstəkləməsi mümkün görünür. Daha ətraflı təfərrüatların oktyabrda keçiriləcək təqdimat tədbirində açıqlanacağı gözlənilir.
