Audi və Huawei arasında yeni razılaşma əldə olunub. Bu razılaşmaya əsasən, Huawei proqram təminatı Audi modellərində istifadə olunacaq.
Avtonom sürücülük texnologiyalarına böyük sərmayələr qoyan Huawei indi Audi ilə razılığa gəlib. Bildirilib ki, Audi Çin bazarında satılan bəzi modellərini Huawei smart sürücülük sistemi ilə təchiz edəcək. Beləliklə, Huawei tərəfindən dəstəklənən ilk model hansı olacaq?
Çində ortaya çıxan xəbərlərə görə, Huawei-nin sürücüyə yardım texnologiyası Audi-nin 2026-cı ildən sonra istehsal etdiyi daxili yanma maşınlarına daxil ediləcək. Bunu dəstəkləyən ilk Audi modeli ilin sonunda buraxılması və 2025-ci ildə satışa çıxması gözlənilən Audi A5 olacaq.
Audi A5 hazırda şirkətin Çində ən çox satılan modeli olan A4 sedanını əvəz edəcək. Bilməyənlər üçün deyək ki, A4, A6 və Q5 kimi modellər Audi-nin Çin bazarında satışlarının əhəmiyyətli hissəsini təşkil edir. Buna görə Huawei ilə qurulan dəstək Çinli müştərilər üçün çox vacibdir.
Audi həm yerli, həm də qlobal təchizatçılarla əməkdaşlıq edərək müştərilərə “sinifinin ən yaxşısı sürücüyə yardım sistemləri” təklif etməyi hədəflədiyini bildirdi. Amma o, kommersiya sirri olduğu üçün konkret tərəfdaşların adını çəkməyib. Bu çərçivədə yalnız Huawei ilə razılığa gəldiyini bilirik.
Huawei tərəfindən dəstəklənən Audi A5 modellərinin istehsalı Audi-nin Çində yerləşən iki birgə müəssisəsi FAW-Audi və SAIC-Audi tərəfindən həyata keçiriləcək.
