Samsung Galaxy S24 FE və Galaxy A16 üçün tarixlər verilib. Galaxy S24 FE və Galaxy A16 ilin sonuna qədər təqdim edilir. Bəs nə vaxt?
Samsung-un yaxın zamanda təqdim edəcəyi yeni smartfon modelləri Galaxy S24 FE və Galaxy A16 üçün yeni bir tarix verildi. Uzun müddətdir sızan iki model ilin sonuna kimi təqdim olunacaq.
Samsung, gözlənilən modeli Galaxy S24 FE üçün rəsmi saytında səhifə açdı. Galaxy S24 FE ilə bağlı heç bir məlumat verməyən şirkət buna baxmayaraq təqdimatın yaxınlaşdığını açıqladı. Ancaq əsl xəbər ciddi bir sızma mənbəyindən gəldi. Sızan məlumatlara görə, Galaxy S24 FE oktyabr ayında qlobal bazarda satışa çıxarılacaq. Bəs Galaxy A16? Bunun üçün bir az daha gözləyəcəyik, çünki sızmalar A16 üçün dekabr ayına işarə edir.
Keçən həftə açıqlanan məlumata görə, Exynos 2400e çipsetindən güc alacaq Galaxy S24 FE 4565 mAh batareya və One UI 6.1.1 əməliyyat sistemi ilə işləyəcək. Bu sayədə 78 saata qədər musiqi, 29 saata qədər video oynatma qabiliyyətinə malik olan S24 FE, ön tərəfində 120Hz yeniləmə sürətinə malik 6,7 düymlük ekran daşıyacaq. Gorilla Glass Victos + ilə qorunan bu panel 1900 nit parlaqlıq pik dəyərinə sahib olacaq.
Ön tərəfində 10 Meqapiksellik selfi kamerası daşıdığı bilinən S24 FE, arxa tərəfində 50 + 12 + 8 Meqapiksellik üçlü kamera quruluşuna sahib olacaq. Beş rəngdə çıxması gözlənilən S24 FE: ağ, qrafit, sarı, yaşıl və mavi, 2024-cü ilin oktyabrında satışa çıxarılacaq. Galaxy A16-a keçdiyimiz zaman Dimensity 6300 bizi prosessor tərəfində qarşılayır. 4GB, 6GB və 8GB olmaqla üç fərqli RAM yaddaş variantı ilə gəlməsi gözlənilən A16, Android 14 əməliyyat sisteminə sahib olacaq. 50 + 5 + 2 Meqapiksellik kamera quraşdırılması ilə gələcək A16, 2024-cü ilin dekabrında 25W sürətli şarj dəstəyi ilə 5000 mAh batareya ilə çıxacaq.
